Олунньу 25-26 күннэригэр Дьокуускайга «Триумф» успуорт комплексыгар көҥүл тустууга Уһук Илин чөмпүйэнээтэ ыытыллыаҕа. Манна 11 эрэгийиэнтэн бөҕөстөр кыттыахтара: Саха сириттэн, Приморскай кыраайтан, Хабаровскай кыраайтан, Амур уобалаһыттан, Камчатка кыраайыттан, Магадаан уобалаһыттан, Сахалин уобалаһыттан, Еврейскэй автономнай уобаластан уонна Чукотскай автономнай уобаластан. Бу туһунан «СпортЯкутии» саайт суруйар.
«Биһиги тустууктарбытыгар сүрүн утарсааччынан буолар Бурятия бөҕөстөрө кытталларын биллэрдилэр. Бу өрөспүүбүлүкэттэн 20 спортсмен кэлэрин күүтэбит. Итиэннэ Амур уобалаһыттан уонна Хабаровскай кыраайтан хамаандалар кэлиэхтэрэ. Биһиги сүүмэрдэммит хамаандабытыгар 60 эр киһи уонна 11 дьахтар киирэн тустуоҕа. Тыҥааһыннаах киирсиилэри күүтэбит. Манна миэстэлэспит тустууктар Арассыыйа чөмпүйэнээтигэр кыттар кыахтаналлар», — диэн СӨ Спортивнай тустууга федерациятын толорооччу дириэктэрэ Владимир Карпенко иһитиннэрдэ.
Чөмпүйэнээт көрөөччүтэ суох ыытыллар. Быһа биэриини «Триумф» ютуб-ханаалыгар көрдөрүөхтэрэ: https://www.youtube.com/c/triumph_sakha
Күрэхтэһии бырагыраамата:
СИА хаартыската.