СӨ Доруобуйа харыстабылын министиэристибэтэ мэдиссиинэ тэрилтэлэрин кытта Дьокуускай куорат олохтоохторугар уонна ыалдьыттарыгар анаан доруобуйа дьаарбаҥкатын ыытта.
Тэрээһин Чэбдигирии сылынан, Дьокуускай куорат төрөөбүт күнүнэн ыытылынна диэн Доруобуйа харыстабылын министиэристибэтин пресс-сулууспата иһитиннэрэр.
Онколог, терапевт, педиатр, оҕо стоматолога, эндокринолог, сурдолог, реабилитолог, гинеколог, дерматолог, ревматолог, офтальмолог, отоларинголог, психотерапевт уонна да атын исписэлиистэр кыттыылаах дьаарбаҥка доруобуйаны харыстыыры, чөл олоҕу тутуһары өйдөтөр, сэҥээрдэр уонна онно чэгиэн буоларга тардыһыннарар сыаллаах ыытыллыбыт.
Тэрээһиҥҥэ барыта 17 тэрилтэ, сүүсчэкэ мэдиссиинэ үлэһитэ кыттыбыт. Быраастар сүбэлэрин-амаларын 1400 кэриҥэ киһи ылбыт, 1100-тэн тахса чинчийии ыытыллыбыт, араас анаалыстар, УЗИ, ЭКГ оҥоһуллубуттар. Икки сүүскэ чугаһыыр киһи коронавируһу уонна кирииби утары быһыыны ылбыт.
+1
+1
+1
+1
+1
+1
+1