“Үрдэл” пааркаҕа Александр Файзель аатынан аллея баар буолуоҕа. Онно кини Юрскай кэмнээҕи мини-пааркатын динозаврдара туруохтара. Ол туһунан Саха сирини норуоттарын фольклордарын, муусукаларын мусуойа иһитиннэрэр.
Аҕыйах сыллааҕыта скульптор Александр Файзель түҥ былыргы харамайдар скульптураларын оҥортоон, бэйэтин дьиэтин тиэргэнигэр кыра паарканы тэрийбитэ. Куорат олохтоохторо уонна ыалдьыттара сөбүлээн сылдьар сирдэрэ этэ. Динозаврдар үүт-үкчү майгынныылларынан сөхтөрөллөрө. Ол эрээри, Файзель дьиэтигэр уонна пааркатыгар баһаар буолан, Александр ону быыһыы сылдьан, олус хомолтолоохтук, соһуччу суох буолбута.
Атырдьах ыйын 18 күнүгэр “Үрдэлгэ” кини мини-пааркатыгар турбут халикотерапий, оҕолоох тиранозавр, түүлээх носорог уонна сэлии скульптураларын көһөрөн илдьэ туруоруохтара. Бу оҥоһуктар харамайдар дьиҥнээх сэбэрэлэрин, кээмэйдэрин чопчу биэрэр буоланнар, олус интэриэһинэйдэр. Ордук оҕолор билэ-көрө үөрэнэллэригэр туһалаах.
Ангелина Васильева, “Саха сирэ” хаһыат”, edersaas.ru
Хаартыска: СИА.