Бүгүн, ахсынньы 31 күнүгэр, сарсыарда аҕыс чаастан Дьокуускай дьаһалтата тэрийбит бэйдиэ сылдьар ыттары тутар биригээдэлэрэ үлэлэрин саҕалаабыттара. Уокуруктарга ботурууллар тэрилиннилэр, куорат дьаһалтатын иллэҥ автотехниката олоччу бу дьыалаҕа хомулунна. Үлэ сокуон иһинэн ыытыллар.
Санатан суруйдахха, Автодорожнай уокурукка ыксаллаах быһыы-майгы биллэриллибитэ.
Диспетчер сулууспатын нүөмэрдэрэ: 44-46-54; 44-42-29, ону таһынан батсаапка олохтоох нэһилиэнньэттэн сайаапкалары тутар +7(914)261-06-98 чат-бот үлэлиир. Манна ыт үөрдэрэ ханна сылдьалларын хаартыскаҕа түһэрэн, аадырыһын суруйан тыллыаххытын сөп.
Нэһилиэнньэттэн сокуону кэһиилээх дьайыылары оҥорбоккутугар көрдөһөллөр. Бу туһунан Дьокуускай куорат дьаһалтатын пресс-сулууспата иһитиннэрэр.