Суолталаах Үөрэх уонна наука

Дьокуускайга быйыл 990 миэстэлээх оскуола үлэҕэ киириэҕэ

Ил Дархан Айсен Николаев Саха сирин үрдүнэн саамай улахан оскуола быйыл Дьокуускай 68-с кыбаарталыгар тутуллан үлэҕэ киириэҕин туһунан быһа эпиирин кэмигэр эттэ. Оскуола 990 миэстэлээх, уопсай иэнэ 13 тыһ. кв м тэҥнэһэр.

Бу бырайыак “Үөрэхтээһин” национальнай бырайыагынан тутулла турар. Ил Дархан этэринэн, “Прометей” Дьокуускай куорат биир сайда турар оройуона буолар. Онон манна улахан оскуола былааннаммыта ыраатта.

– Бу бырайыак “Прометей” оройуонугар анаан оҥоһуллубута. Быйыл үлэҕэ киириэҕэ диэн эрэнэбин. Билигин өссө бу бырайыакпыт РФ тутуутун министиэристибэтигэр хоту дойду сиригэр биир тииптээх оскуоланы тутуу испииһэгэр киирэн турар. Маннык тииптээх оскуола “ДСК” оройуонугар тутуллуоҕа. 2024 сылга диэри эмиэ олоххо киириэҕэ дии саныыбын, – диэн иһитиннэрдэ Айсен Сергеевич.

Аграфена КУЗЬМИНА

 

0
0
Telegram @edersaas20