2019 сылтан Дьокуускай куорат «Куттала суох уонна хаачыстыбалаах массыына суоллара» национальнай бырайыакка кыттар.
Икки сыл иһигэр суолу тутууга, хапытаалынай өрөмүөҥҥэ, саҥардыы үлэтигэр киэҥ далааһыннаах үлэ ыытылынна. Быйыл уопсайа 48 км суол оҥоһуллара былааннанар. Бу туһунан мэр эбээһинэһин толорооччу Евгений Григорьев иһитиннэрдэ.
Ааспыт сылга 23,6 км суолга үлэ ыытыллыбыта.
Курнатовскай, Воинскай, Кеша Алексеев аатынан уулуссалар, Уокуруктааҕы шоссе уонна «Три сосны» микрооройуоннарга киирэр суолларга хапытаалынай өрөмүөн ыытыллыбыта.
Маны таһынан Лонгинов, Петровскай, Свердлов, Курашов, Губин уулуссалара өрөмүөннэммиттэрэ.
Куорат таһынааҕы бөһүөлэктэргэ эмиэ үлэ күүскэ ыытыллар. Кангалас, Табаҕа, Тулагы бөһүөлэктэригэр үстүү, оттон Хатаска, Маҕаҥҥа иккилии итиэннэ Пригороднайга биир уулусса өрөмүөннэниллибитэ.
2020 сылга «Куттала суох уонна хаачыстыбалаах массыына суоллара» бырайыакка 1,7 млрд солк. көрүллүбүтэ.
2019 — 2024 сылларга уопсайа туһааннаах бырайыагынан 204,5 км суол өрөспүүбүлүкэ киинигэр оҥоһуллуохтаах.
edersaas.ru