Бүгүн киэһэ Дьокуускайга буруо хойунна. СӨ экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Сергей Сивцев өрөспүүбүлүкэ киин куоратыгар буруо Горнай, Нам, Кэбээйи улуустарыгар турбут ойуур баһаардарыттан кэлбитин иһитиннэрдэ.
— Билигин тыал хотугулуу-арҕааттан үрэр. Горнай, Нам, Кэбээйи улуустарыгар ойуур баһаардарын умуруорууга үлэ ыытыллар. Онон тулуйуҥ итиэннэ бэйэҕитин харыстаныҥ диэн көрдөһүөм этэ. Сарсын тыал хайысхата уларыйара күүтүллэр, онон буруо быдан намырыаҕа. Өссө төгүл тоһоҕолоон бэлиэтиэм этэ, ойуур баһаардарын утары охсуһууга үлэ тохтообот, — диэн Сергей Сивцев бэлиэтээн эттэ.
edersaas.ru
+1
+1
+1
+1
+1
+1
+1