Саха сирин национальнай бибилэтиэкэтин “Библиомобиль — барьера суох бибилэтиэкэ” бырайыага күнтэн күн сайдар, ааҕааччыта элбиир.
Бу “Култуура” национальнай бырайыак чэрчитинэн “Култуура волонтердара” диэн хамсааһын сайдан үөскээбит бырайыак буолар. Кырдьаҕас уонна доруобуйаларыгар хааччахтаах дьоҥҥо анаан бибилэтиэкэ үлэһиттэрэ анал массыынанан кинигэлэри дьиэлэригэр диэри тиксэрэн биэрэллэр. Кулун тутар 23 күнүгэр “библиомобиль” тоҕус аадырыска айаннаан, сакаастаммыт кинигэлэри тиксэрбит.
Дьокуускай олохтоохторо кинигэни сакаастыырга 455-855 нүөмэргэ эрийэҕит. Сайаапкаларынан кинигэлэри тарҕатыы ыйга иккитэ буолар. «Библиомобиль» аны муус устар 1 күнүгэр айанныаҕа.
«Саха сирэ» хаһыат, edersaas.ru
Хаартыска — sakha.gov.ru
+1
+1
+1
+1
+1
+1
+1