Дьокуускайга биатлоҥҥа Арассыыйа сүүмэрдэммит хамаандата кэллэ
11.10.2021
Бүгүн, алтынньы 11 күнүгэр, Дьокуускайга биатлоҥҥа Арассыыйа сүүмэрдэммит хамаандата, тириэньэрдэрэ кэллилэр диэн СӨ Успуорка уонна физическэй култуураҕа министиэристибэтин пресс-сулууспата иһитиннэрэр.
Ыалдьыттары аэропуорка СӨ Успуорка уонна физическэй култуураҕа миниистирин солбуйааччы Александр Бугаев, Алданнааҕы хайыһар успуордун оскуолатын салалтата, суруналыыстар көрүстүлэр.
Сүүмэрдэммит хамаанда старшай тириэньэрэ Юрий Каминскай хамаанда сүрүн састаабыттан уон спортсмены уонна Арассыыйа биатлонистарын сойууһуттан 13 исписэлииһи илдьэ кэллэ. Биатлонистар сарсыҥҥыттан Алдаҥҥа хайыһар баазатыгар Саха сирин уолаттарга сүүмэрдэммит хамаандатын кытта дьарыктаныахтара, хонтуруоллуур күрэхтэһиилэри ыытыахтара.
+1
+1
+1
+1
+1
+1
+1