Сүрүн Уопсастыба

Дьокуускайга бэрээдэги бэрэбиэркэлииллэр

Бэҕэһээҥҥиттэн, алтынньы 30 күнүттэн, дойду үрдүнэн биллэриллибит уһун өрөбүллэр саҕаланнылар. Маныаха бэрээдэк кэһиллибэтин туһуттан бэрэбиэркэ, хонтуруол үлэтэ күүһүрүөҕэ диэн тустаах биэдэмистибэлэр эрдэ иһитиннэрбиттэрэ.

Киин куоракка уопсастыбаннай аһыыр сирдэринэн, атыы-эргиэн кииннэринэн, оптуобустарга рейдэлэр ыытыллаллар.

Бэҕэһээ Дьокуускай куорат суһал ыстаабын кытта Росгвардия, ИДьМ Саха сиринээҕи управлениеларын бөлөхтөрө 28 атыы-эргиэн эбийиэгин, 25 уопсастыбаннай тырааныспары бэрэбиэркэлээтилэр.

Бэрэбиэркэ түмүгэр «Унты здесь» атыылыыр павильоҥҥа, «Проспект», «Норд», «Семейный континент», «Московскай» атыы кииннэригэр кэһии баара биллибит. Кинилэргэ аакта суруллунна, итиэннэ ыстарааптаныахтарын уонна үлэлэрин быстах кэмҥэ тохтотуохтарын сөп.

Элбэх дьон мустар сиригэр рейдэ суукканы быһа күүскэ үлэлиир. Маныаха хааччахтааһын миэрэлэрин тутуһуу ирдэбиллэригэр ордук болҕомто ууруллар. Бу туһунан Дьокуускай уокуруктааҕы дьаһалтатын пресс-сулууспата иһитиннэрэр.

Хаартыска — пресс-сулууспаттан.

0
0