Дьокуускайга бүгүн — субуотунньук.
Дьокуускай куорат бары тэрилтэлэрэ, олохтоохторо бүгүн, муус устар 22 күнүгэр, субуотунньукка тахсан сыһыарыллыбыт сирдэрин-уоттарын ыраастыахтара, өрө тардыахтара.
Куорат уопсай субуотунньуга үс ыйдаах санитарнай ыраастааһын иитинэн уонна Саха Өрөспүүбүлүкэтин күнүн көрсө күнүс 14.00 чаастан саҕаланар.
Бэлиэтээн эттэххэ, Дьокуускай куорат уокуруктарыгар сири-уоту ыраастааһын, өрө тардыы үлэтэ муус устар 14 күнүттэн саҕаламмыта уонна нэдиэлэ ахсын балаҕан ыйын 30 күнүгэр диэри ыытыллар.
Бүгүн, муус устар 22 күнүгэр, тэрилтэлэр, организациялар кинилэргэ сыһыарыллыбыт сирдэрин-уоттарын ыраастыыллар. Сири-уоту сыһыарыы испииһэгин манна
көрүҥ.
Иһитиннэрии, хаартыска yakutskcity.ru, Дьокуускай куорат дьаһалтатын пресс-сулууспата