Бэс ыйын 13 күнүгэр Дьокуускай куоракка Саха АССР тэриллибитэ 100 сылынан аты мииниигэ күрэхтэһии буолуоҕа. Аты миниини көҕүлүүр анал кулууптартан 35-гэр диэри саастаах дьон кыттыахтара. Тэрээһин Дьокуускайдааҕы АГАТУ ипподромугар ыытыллар.
«Маннык тэрээһин биһиги өрөспүүбүлүкэбитигэр аан бастакытынан ыытыллыаҕа. Кыттааччылар бааллар. Сүрүн сыалынан ат успуордугар ыччаты сыһыарыы буолар», — диэн тэрийээччи, Ыччат бырабыыталыстыбатын чилиэнэ Ираида Хань иһитиннэрэр.
Кыайыылаахтар сыаналаах бириистэринэн наҕараадаланыахтара. Күрэхтэһээччилэр түөрт зачету ааһыахтара:
— Кавалетти диэн миинии:
— Ырааска уонна сыыдамҥа (60 см диэри);
— Ырааска уонна сыыдамҥа (80 см диэри);
— Ырааска уонна сыыдамҥа (100 см диэри).
Тэрийээччилэринэн СӨ Ыччат бырабыыталыстыбата, Дьокуускайдааҕы АГАТУ, СӨ физическэй култуураҕа уонна успуорка министиэристибэтэ, Тутуу ырыынага уо.да.а буолаллар.