Бүгүн— Арассыыйа күнэ. Бу бэлиэ күн чэрчитинэн, Арассыыйаҕа киэҥ хабааннаах аахсыйа ыытыллар. Онно кыттыһан, Дьокуускайга күнүс Арассыыйа өркөн өрөгөй тойуга ньиргийиэ.
Эрэгийиэн бары олохтоохторо болкуоннарыттан, дьиэлэрин түннүгүттэн бу гимни ыллыахтара, онно Саха сирэ эмиэ кыттыахтаах. Ол туһунан СӨ Култуураҕа уонна духуобунай сайдыыга министиэристибэтэ иһитиннэрэн турар.
Санатан эттэххэ, Дьокуускай тиэргэннэригэр бүгүн ырыа-тойук дуорайыахтаах. Ол курдук, 203 микрооройуоҥҥа Суорун Омоллоон аатынан Опера уонна балет тыйаатырын артыыстара ыллаан-туойан иһитиннэрэллэр. Автодорожнай уулуссатыгар Г.М.Кривошапко аатынан Судаарыстыбаннай филармония артыыстара кэнсиэрдииллэр. «Туймаада» ансаамбыл 17 кыбартаалга дьиэлэр тиэргэннэригэр ыллыыллар. Ол кэнниттэн, күнүс 12 чаастан, бүттүүн толорууларыгар Өрөгөй ырыата Туймаада хочотун үрдүнэн сатарыа.
edersaas.ru
Хаартыска: Ykt.Ru
+1
+1
+1
+1
+1
+1
+1