Дьокуускай куоракка 3-с нүөмэрдээх балыыһа баазатыгар амбулаторнай COVID-киин үлэтин саҕалаата. Бу туһунан Дьокуускай куорат 3-с нүөмэрдээх балыыһатын пресс-сулууспата иһитиннэрдэ.
«Биһиги кииммитигэр ыалдьыбыт дьон анаалыс туттарыахтарын, КТ-га түһүөхтэрин сөп. Салгыы быраас ыарыһаҕы дьиэтигэр биитэр балыыһаҕа эмтэнэригэр түмүк таһаарыаҕа. Манна симиэнэнэн 24 киһи үлэлиир. Киин туспа ааннаах», — диэн кылаабынай быраас Светлана Давыдова иһитиннэрдэ.
Дьокуускайдааҕы 3-с нүөмэрдээх балыыһа туһааннаах мэдиссиинискэй тэрилинэн хааччыллан олорор. Ол курдук КТ аппараата, лаборатория баар. Амбулаторнай COVID-киин Роспотребнадзор ирдэбилигэр толору эппиэттиир.
edersaas.ru
+1
+1
+1
+1
+1
+1
+1