Көҥүл тустууга аан дойду Кубога 2019 сыл кулун тутар ыйыгар Дьокуускайга ыытыллыаҕа. Бу туһунан Арассыыйа спортивнай тустууга федерациятын бэрэсидьиэнэ Михаил Мамиашвилига сигэнэн Новости РИА иһитиннэрдэ.
Аан бастаан маннык таһымнаах түһүлгэ Арассыыйаҕа 2007 сыллаахха Красноярскайга тэриллэн ыытыллыбыта. Кэлиҥҥи сылларга Владикавказка (2008), Москваҕа (2010) итиэннэ Каспийскайга (2011) буолбута.
Үгэс курдук, Кубокка аан дойду чөмпүйэнээтин түмүгүнэн аҕыс иһигэр киирбит күүстээх хамаанда кыттар.
Онон көҥүл тустууга аан дойду Кубога 2019 сыл кулун тутар 15-17 күннэригэр Дьокуускайга ыытыллара бүтэһиктээхтик быһаарылынна.
Роман Попов, edersaas.ru
Хаартыска Интэриниэттэн ылылынна.
+1
+1
+1
+1
+1
+1
+1