Дьокуускайга «Аҕа күрэҕэ» ыытылынна

Бөлөххө киир:

Аҕа күнүн көрсө Дьокуускайга муус устар 3 күнүгэр “Аҕа күрэҕэ-2021” бэһи төгүлүн ыытылынна. Куорат күрэхтэһиитигэр уокуруктартан 7 хамаанда кытынна. Кыайыылаахтар өрөспүүбүлүкэтээҕи күрэскэ кыттыахтара диэн СИА иһитиннэрэр.

Ол курдук, күрэскэ Губинскай уокурук, Марха, Тулагы, Маҕан, Хатас уонна Киин уокуруктан икки хамаанда кытыннылар. Үөрүүлээх аһыллыытыгар мэр Евгений Григорьев, Дьокуускайдааҕы Аҕа сэбиэтин бэрэссэдээтэлэ Егор Попов, кылаабынай судьуйа Юрий Ощепков кыттыыны ыллылар. Бу Евгений Григорьев Дьокуускай куора мэрин дуоһунаһыгар киирэн баран кыттыыны ылбыт бастакы тэрээһинэ буолла. 

Таалай күөлгэ кыттааччылар уонна судьуйалар анал таҥастарын таҥнан, былаахтарын тутан, сэлэлии хааман, парааттаан тахсыбыттара ураты көстүү буолла.

Манна спортивнай биатлон, бэрэбинэни суоруу, остуолбаҕа ыттыы, маһы хайытыы, ойбону алларыы курдук күрэхтэһиилэр бааллар. Бу үгэскэ кубулуйбут спортивнай күрэхтэһиилэр буолбатахтар эрээри, былыр-былыргыттан эр дьон үлэлээн кэлбит үлэлэрэ, үөрүйэхтэрэ буоллаҕа. Онон күрэхтэһиилэр олус күүрээннээхтик ыытыллаллар.

Быйыл өрөспүүбүлүкэтээҕи “Аҕа күрэҕэ” Мэҥэ Хаҥалас улууһун Майа сэлиэнньэтигэр ыытыллыаҕа.

Ангелина Васильева, “Саха сирэ” хаһыат, edersaas.ru

Хаартыска: СИА.

+1
0
+1
0
+1
0
+1
0
+1
0
+1
0
+1
0