Дьокуускайга 80 оҕо пионерга киирдэ

Ааптар: 
Бөлөххө киир:

Пионердар халаан да уутуттан, ардахтан даҕаны мэһэйдэппэтилэр. Бэҕэһээ, пионерия күнүгэр, Мэҥэ Хаҥаласка, Горнайга, Бүлүүгэ, Муомаҕа, Үөһээ Бүлүүгэ, Алдаҥҥа, Уус Алдаҥҥа, Чурапчыга уо.д.а. улуустарга пионердар сбордара өрө көтөҕүллүүлээхтик ыытылыннылар. 

Дьокуускайга күүтүүлээх бырааһынньык 2 №-дээх Бырабыыталыстыба дьиэтин аактабай саалатыгар ыытыллыбыт.  Куорат 16, 25, 26, Марха 2-с №-дээх, 2-с №-дээх оскуола-интэринээт оҕолоро, пионер кэккэтигэр киирээччилэр, тэрээһиҥҥэ кытта кэлбит ыалдьыттар, барыта 200 курдук киһи мустубут. Маны сэргэ, комсомоллар, коммунистар, пионерскай хамсааһын бэтэрээннэрэ кэлэн төлөннөөх эҕэрдэлэрин тиэрдибиттэр.

Этэрээттэр үөрүүлээх линейкаҕа бэлэмнэрин туһунан араапар кэнниттэн, пионердар марштарын доҕуһуолунан арыалланан знамя күөрэччи көтөҕүллүбүт. Салгыы андаҕар этиллибит, ол кэнниттэн пионерия бэтэрээннэрэ уонна бочуоттаах ыалдьыттар пионер кэккэтигэр саҥа киирээччилэргэ аалай кыһыл хаалтыһы баайбыттар. Бу долгуйа күүтүүлээх күн 80 оҕо пионер кэккэтигэр ылыллыбытын туһунан Сахалайф сайтыгар сырдатыллар.

+1
0
+1
0
+1
0
+1
0
+1
0
+1
0
+1
0