Коронавирус тарҕамматын туһугар «Якутия» авиахампаанньа Кытайтан уонна Хабаровскайтан, Владивостоктан, Благовещенскайтан, Иркутскайтан, Новосибирскайтан Дьокуускайга көтөн кэлэр сөмөлүөттэрин санитарнай-карантиннай пуун үлэһиттэрэ бэрэбиэркэлииллэр.
edersaas.ru
Инфекционнай ыарыы сибикитэ баарын-суоҕун билээри бары айанньыттары, экипаж үлэһиттэрин чинчийэллэр. Көтөн иһэр дьон доруобуйатын туругун бортпроводниктар кэтээн көрөллөр уонна Роспотребнадзор дьаһалынан медицинскэй сулууспаларга биллэрэргэ бэлэмнэр.
Авиахампаанньа үлэһиттэрэ көтөр ааллары күүскэ дезинфекциялыыллар, бортовой аптечкаҕа эбии антисептиктары, көмүскэнэр мааскалары уган биэрдилэр.
Кытайтан ОРВИ вируснай инфекциянан ыалдьан кэлбит уонна балыыһаҕа көрдөрүммүт дьон 14 күн иһигэр балыыһаҕа туспа хоско кэтээн көрүүгэ киирэн сыталлар, итиэннэ коронавируснай инфекцияҕа анаалыс туттараллар. Ол туһунан «Якутия» авиахампаанньа саайтыгар иһитиннэрэллэр.
www.yakutia.aero саайтан.
Саха сирэ, edersaas.ru
+1
+1
+1
+1
+1
+1
+1