Дьокуускайга 7027 киһи ковидынан ыалдьар

Бөлөххө киир:

Алтынньы 14 күнүгэр Саха сиригэр саамай элбэх — 272 киһи (ол иһигэр Дьокуускайга 155 киһи) коронавируһунан ыарыйда. Суукка иһигэр 300 киһи үтүөрдэ, 7 киһи тыына быһынна.

Пандемия саҕаланыаҕыттан барыта 57 412 киһи ковидынан ыалдьыбыт, 43 166 киһи үтүөрбүт.

Stopcovid19.sakha.gov.ru саайт дааннайынан, билигин Дьокуускай куорат үрдүнэн барыта 7027 киһи коронавируснай инфекциянан ыалдьа сылдьар. Киин куоракка ковидтаах ыарыһахтарга барыта 1361 куойка ананар, ол 91% туолан турар. Үгүстэр дьиэлэригэр эмтэнэллэр, быраас анабылынан босхо эминэн хааччыллаллар.

Бу уодаһыннаах ыарыыны утары быһыыны биэрии пууннара үлэлииллэр. Билигин улахан уочарат суох, пууннарга “Спутник V”, “Спутник Лайт” уонна сорох сирдэргэ “ЭпиВакКорона” быһыылары биэрэ тураллар.

Бу күҥҥэ 362 247 киһи быһыы бастакы, 341 011 киһи иккис укуолун ылбыттар. Сыл аҥаара буолан баран, иккистээн 16 022 киһи ылбыт.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0