Дьокуускайга өрөспүүбүлүкэ муниципальнай тэриллиилэрин сэбиэтин VIII сийиэһэ ыытыллыаҕа
Кулун тутар 29 күнүгэр Дьокуускайга өрөспүүбүлүкэ муниципальнай тэриллиилэрин сэбиэтин VIII сийиэһэ ыытыллыаҕа.
Сийиэскэ 2018 сыллаахха ылыныллыбыт стратегическай докумуоннар көрүллүөхтэрэ. Сийиэс кэмигэр көрүллэр сүрүн боппуруостар – олохтоох салайыныы уорганнара национальнай стратегическай соруктары олоххо киллэриигэ кыттыылара, 2019-2024 сс. өрөспүүбүлүкэ муниципальнай тэриллиилэрин социальнай-экэнэмиичэскэй сайдыыларын бырайыактааһын, олорор сири-уоту тупсаҕай оҥоруу уонна нэһилиэнньэ көхтөөх буолуутун тэрийии, муниципальнай тэриллиилэргэ цифровой сайдыы кэскиллэрэ, олохтоох таһымҥа хонтуруоллуур-кэтиир үлэлэр, нэһилиэнньэ муниципальнай тэриллии сирин-уотун сайыннарыыга кыттыыта уо.д.а.
Сийиэс чэрчитинэн кулун тутар 25-31 күннэригэр Дьокуускайга СӨ Ил Дарханын иһинэн Олохтоох салайыныыга сэбиэтин мунньаҕа, бастыҥ муниципальнай үлэ-хамнас туһунан мультимедийнэй көрдөрүүлэр, СӨ судаарыстыбаннай былааһын ситэриилээх уорганнарыгар Аһаҕас аан күннэрэ, сэминээр-тренинг, “Цифровой өрө көтүү!” сэминээр-презентация тэриллиэхтэрэ.
Муниципальнай тэриллиилэр сэбиэттэрин VIII сийиэһэ кулун утар 29 күнүгэр Сивцев Д.К.- Суорун Омоллоон аатынан Опера уонна балет судаарыстыбаннай тыйаатырыгар аһыллыаҕа.
СИА