Дьокуускайга ахсынньы 29 күнүттэн тохсунньу 8 күнүгэр диэри 337 бэйдиэ сылдьар ыттары туттулар. Онтон Автодорожнай уокурукка – 70 ыты туппуттар.
Бу ыттары кыыллары быстах кэмҥэ тутар пууҥҥа илдьибиттэр. Бэлиэтээн эттэххэ, Дьокуускай куорат баһылыга Евгений Григорьев быһаарыныытынан, хаһан балаһыанньа холкутуор диэри диэн, тохсунньу 6 күнүгэр суһал быһыы-майгы эрэсиимэ уһатыллыбыта.
Бэйдиэ сылдьар ыттары тутууга куорат дьаһалтатын, «Дьокуускайдааҕы” ИДьМ муниципальнай управлениетын, бэтэрэнээрийэ департаменын уонна кыыллары быстах кэмҥэ тутар пуун үлэһиттэрэ үлэлииллэр. Ахсынньы 29 күнүттэн ыттары куорат уулуссаларыгар босхо ыытыы бобуллан турар. Бүгүҥҥү күҥҥэ куоракка ыттары тутууга 32 киһи, 11 тиэхиньикэ үлэлиир.
Ульяна ЗАХАРОВА.
+1
+1
+1
+1
+1
+1
+1