Үгэскэ кубулуйбут «Кыһын Саха сириттэн саҕаланар» бэстибээл быйыл онлайн ыытыллар диэн эрдэ суруйбуппут. Бэстибээл сэтинньи 16 күнүттэн саҕаланыаҕа диэн Дьокуускай култуураҕа управлениета иһитиннэрэр.
Бэстибээл бырагыраамата:
Сэтинньи 16-29 күннэригэр @upravlenie_cultury_yakutsk диэн «Инстаграм» аккауҥҥа «Строганина-2020», «Тойон балык» хаартыска куонкурустара, «Виртуальный холод» муус оҥоһуктар күрэстэрэ ыытыллыахтара.
Сэтинньи 23-27 күннэригэр @upravlenie_cultury_yakutsk диэн «Инстаграм» аккауҥҥа «Зимняя фантазия» диэн илиинэн оҥоһукка маастар-кылаас ыытыллыаҕа.
Сэтинньи 25-27 күннэригэр Орджоникидзе болуоссатыгар «Бриллианты Якутии» диэн муус оҥоһуктарга блиц-турнир ыытыллыаҕа.
Сэтинньи 25-30 күннэригэр 202-с микро-оройуон пааркатыгар «Бриллианты Якутии» муус уонна хаар оҥоһуктар куораттааҕы аһаҕас куонкурустара ыытыллыаҕа.
Сэтинньи 27-30 күннэригэр @upravlenie_cultury_yakutsk диэн «Инстаграм» аккауҥҥа «Серебряная чешуя» диэн норуот айымньытын виртуальнай быыстапката тэриллиэҕэ.
Ахсынньы 1 күнүгэр Орджоникидзе болуоссатыгар харыйа уота холбонуоҕа. Бу тэрээһини эмиэ @upravlenie_cultury_yakutsk диэн «Инстаграм» аккауҥҥа көрүөххэ сөп.
edersaas.ru
Хаартыска — СИА.