Дьокуускайга 20 тыһыынча үөрэнээччи кирииби утары быһыыны ылла

Дьокуускай куоракка кирииби уонна ОРВИ утары 20 тыһыынча үөрэнээччи быһыы ылбыт.

Күһүн ахсын хатыланар кириип уонна ОРВИ дьаҥын аччатар сыалтан үөрэх дьыла саҕаланыаҕыттан быһыы оҥорор үлэ салҕанар.

Ол курдук, алтынньы 12 күнүнээҕи туругунан, 10650 оҕо 1-4 кылаас үөрэнээччилэрэ бу быһыыны ылбыттар. 4922 төрөппүт аккаастаммыт, 1288 оҕо доруобуйатын туругунан ылбатах.

5-9 кылаастарга — 7763 оҕо ылбыт. Манна 4682 төрөппүт аккаас суруйбут, 1040 оҕо доруобуйатын туругунан ылбатах.

10-11 кылаастарга — 2578 оҕо быһыыны ылбыт. Оттон 1267 төрөппүт аккаас суруйбут, 302 оҕо доруобуйатын туругунан  ылбатах.

Онон 20991 үөрэнээччи Дьокуускайга кирииби утары быһыы оҥотторбут.

4343 оскуола үлэһититтэн 2141 киһи быһыыны ылбыт, ол эбэтэр 49,3% үлэһит.

Кириип, ОРВИ дьаҥа туран, алтынньы 1 күнүнээҕи туругунан, 17 оскуола дьиэттэн үөрэниигэ көспүт.

Ульяна ЗАХАРОВА, «Саха сирэ» хаһыат, edersaas.ru