Дьокуускайга 2 №-дээх поликлиниканы тутуу саҕаланна

Ааптар: 
Бөлөххө киир:

Саха сирин үрдүнэн чуолаан Дьокуускай куоракка тутуу былаан быһыытынан ыытыллар. Холобур, бүгүҥҥүттэн киин куоракка симиэнэҕэ 600 киһини көрөр кыахтаах 2 №-дээх поликлиниканы тутуу саҕаланна. Бастакы сыбаайа-атаҕы түһэрэр үөрүүлээх тэрээһиҥҥэ Ил Дархан Айсен Николаев кытынна. 

«Доруобуйа харыстабылын хайысхатыгар биир маҥнайгы быһаарыыларбыттан  Дьокуускай куоракка 2 №-дээх  поликлиника бырайыагын оҥорон, тутууну саҕалыыр туһунан сорудаҕым буолар. Улахан инфраструктуралары бырайыактааһынынан дьарыктанар «ВИС» бөлөх бу  бырайыагы талбыта олус  үчүгэй.  2023 сылга бары өттүнэн аныгы технологияҕа эппиэттиир оборудованиелардаах  саҥа поликлиника үлэҕэ киириэҕэ», – диэн Айсен Сергеевич быһаарар.

Мэдиссиинискэй комплекс Өктөөп 50 сыла автострада уонна Севастопольскай уулусса  быһа охсуһар сирдэрин аттыгар тутуллуоҕа. Комплекска  оҕолорго уонна улахан дьоҥҥо аналлаах поликлиника, онкологическай амбулатория уонна анал отделениелар баар буолуохтара. «SMART»  диэн формат туһаныллыаҕа, ол аата «өйдөөх поликлиника» диэн биир кэлим информационнай систиэмэҕэ холбонуллуоҕа.

«ВИС» бөлөх  Саха сиригэр бу бастакы бырайыага эрэ буолбатах. Чааһынай-судаарыстыбаннай бииргэ үлэлээһин чэрчитинэн, Дьокуускай куоракка  «Айыы Кыhата», 25 №-дээх, 6 №-дээх оскуолалары сэргэ, аан дойдутааҕы арктика оскуолата уонна биэс оҕо саада тутуллан үлэҕэ киирбиттэрэ.

+1
0
+1
0
+1
0
+1
0
+1
0
+1
0
+1
0