Маны аах Уопсастыба

Дьокуускайга «1000 мелочей» атыы-эргиэн киинин тутуу түмүктэннэ

Дьокуускай куоракка Ойуунускай уонна Октябрьскай уулуссалар быһа охсуһууларыгар турар «1000 мелочей» маҕаһыыны үгүспүт умна быһыытыйда быһыылаах. Ол эрээри,  бүгүн  баарын биллэрдэ. Эргэ эбийиэк оннугар  саҥа атыы-эргиэн дьиэтин тутуу барбыта ыраатта.  Саамай сүрүнэ, аата оннунан хаалбыт. 

Бүгүн Судаарыстыбаннай тутуу уонна олох-дьаһах надзорун управлениетыгар «1000 мелочей» атыы-эргиэн дьиэтин тутуу түмүктэммити туһунан «РОСТ» ХЭУо иһитиннэрдэ.

Судаарыстыбаннай тутуу уонна олох-дьаһах надзорун управлениетын салайааччы Павел Аргунов иһитиннэрбитинэн, эбийиэк алта мэндиэмэннээх,  14 тыһ. кв. м иэннээх. Эргиэн дьиэтин тутуу 2010 сылтан саҕаланан 2012 сылга түмүктэниэхтээх эбит. «Бу күннэргэ  эбийиэк хайдах-туох тутуллубутун сиһилии  бэрэбиэркэлиэхпит. 11 сыл устата тутулла сатаабыт эбийиэк быйыл үлэҕэ киириэ диэн эрэнэбит», — диэн Павел Аргунов иһитиннэрдэ.

 

 

 

0
1