Дьокуускайга 1-11 кылаас үөрэнээччилэрэ балаҕан ыйын 25 күнүттэн ыраахтан олорон үөрэниэхтэрэ

СӨ Үөрэххэ уонна наукаҕа министиэристибэтэ  бүгүн Дьокуускай куоракка оскуолаларга быстах кэмҥэ ыраахтан үөрэтиини киллэрэр туһунан бирикээһи таһаарда.

Бу —  Дьокуускай куоракка  кириип ыарыы  сытыытык туруутун кытта сибээстээх. Бирикээскэ этиллэринэн, Дьокуускай куоракка  1-11 кылаас үөрэнээччилэрин балаҕан ыйын 25 күнүттэн алтынньы  8 күнүгэр диэри ыраахтан үөрэтиигэ (дистанционнай) көһөрөллөр. Итини тэҥэ,  куруһуоктар, секциялар эмиэ ыраахтан олорон үөрэтии көрүҥүнэн ыытыллаллар.