Дьокуускайдааҕы сибээс уонна энергетикэ кэллиэһин баазатыгар Яндекс.Лиссиэй аһыллыаҕа

Ааптар: 
Бөлөххө киир:

СӨ үөрэҕин үлэһиттэрин Атырдьах ыйынааҕы мунньаҕын бырагырааматын иитинэн, “Оҕону оскуолаҕа үөрэтиигэ орто анал үөрэх кыаҕа” («Ресурсы СПО для школьного образования») хайысхатынан П.И. Дудкин аатынан Дьокуускайдааҕы сибээс уонна энергиэтикэ кэллиэһин дириэктэрин солбуйааччы Николай Иванов “Яндекс.Лиссиэй” бырайыак бастакы былаһаакката аһылларын туһунан билиһиннэрдэ.

edersaas.ru

П.И. Дудкин аатынан Дьокуускайдааҕы сибээс уонна энергиэтикэ кэллиэһэ быйыл “Яндекс.Лиссиэй” үөрэҕин былаһааккаларын кэккэлэригэр сүүмэрдээһини ситиһиилээхтик ааста. Бу оскуола үөрэнээччилэрин бырамыысыланнай бырагыраамалааһыҥҥа (программирование) аан дойдутааҕы “Яндекс” биир бөдөҥ IT-хампаанньаларын үөрэҕин бырайыага буолар.

“Яндекс.Лиссиэй” бырайыак “РФ цифровой экэниэмикэтэ” национальнай бырагыраама “Сыыппара экэниэмикэтигэр каадыры бэлэмнээһин” федеральнай бырайыагын биир тэрээһининэн буолар уонна “Үөрэх” национальнай бырайыагы кытта тэҥҥэ олоххо киирэр.

Билиҥҥитэ “Яндекс.Лиссиэй” Арассыыйа уонна Казахстан 131 куоратыгар 304 былаһааккаҕа үлэлиир.

“Python тылынан бырагыраамалааһын” эбии үөрэхтээһин уонна “Бырамыысыланнай бырагыраамалааһын төрүтэ” икки сылга суоттанар. Ол кэмҥэ Дьокуускай куорат 8-9 кылааһын үөрэнээччилэрэ түөрүйэ чааһын кытта билсэллэр уонна бырайыактары, бырагыраамалары оҥорон технологиятын үөрэтэллэр.

Бүтэрдэхтэринэ үөрэммиттэрин туоһулуур сибэдиэтэлистибэ, “Яндекс.Лиссиэй” сэртипикээтин туталлар уонна IT-хампаанньаларга билиниллэр Junior-программист аатын сүгэллэр.

Кэллиэс преподавателэ үөрэҕин ситиһиилээхтик түмүктээтэ уонна Яндекс үөрэтэр киинигэр сэһэргэһиини (собеседование) ааста.

Бу сыл от ыйын 22 күнүгэр Яндекс.Лиссиэй былаһааккатын арыйар туһунан сөбүлэһиигэ илии баттаспыттар. Былаһаакка үлэлииригэр кэллиэскэ үөрэнэр хос тэрийбиттэр уонна билиһиннэрбиттэр.

Атырдьах ыйын 30 күнүттэн Яндекс.Лиссиэй https://yandexlyceum.ru/ порталынан оскуола оҕолорун сурутуу саҕаланар. Туттарсааччылар кэккэ тиэстэри, ол кэнниттэн миэстэтигэр сэһэргэһиини (собеседование) ааһыахтара.

Сүүмэрдээһини ааспыт оҕолор бу сыл алтынньы 1 күнүттэн Дьокуускайдааҕы сибээс уонна энергиэтикэ кэллиэһин баазатыгар Яндекс-Лиссиэйгэ үөрэхтэрэ саҕаланыаҕа.

СӨ Үөрэҕин уонна наукатын министиэристибэтин саайтыттан.

+1
0
+1
0
+1
0
+1
0
+1
0
+1
0
+1
0