Ростехнадзор Өлүөнэтээҕи салаатын, Саха сирин ОДьКХ уонна энергетика министиэристибэтин, Ыксаллаах быһыы-майгы министиэристибэтин өрөспүүбүлүкэтээҕи сүрүн салалтатын үлэһиттэрин анал хамыыһыйата Дьокуускайдааҕы ГРЭС-2 кыстыкка бэлэмин үрдүктүк сыаналаата.
edersaas.ru
Ол курдук, Дьокуускайдааҕы ГРЭС-2 үлэһиттэрэ станция оборудованиетын кыһыҥҥы тымныыга бэлэмнээбиттэрин таһынан, саппаас оттугунан (дизелинэн) хааччыйар ситими бэрэбиэркэлээбиттэр, эбии кыамтаны биэрэрин ситиспиттэр. Ону таһынан, куорат турба боруобатыгар барар ууну хачайдыыр носуостары өрөмүөннээбиттэр. Станция газотурбиннай установкатын уопсай хамсатыы салайыытыгар сөп түбэһэр гына оҥорбуттар, ол түмүгэр Дьокуускайга уонна киин улуустарга бэриллэр электрическэй уот хаачыстыбатын хонтуруоллуур буолуохтара. Ыксаллаах быһыы-майгы министиэристибэтин, ситэриилээх былаас уонна өрөспүүбүлүкэ олохтоох бэйэни салайыныы уорганнарын кытта кыһын эмискэ күүстээх тыал, тымныы түһэн, уоту хааччыйыыга куттал үөскээтэҕинэ хайдах дьаһанарга бэлэмнэнии үлэтин ыыттылар.
«Якутскэнерго» ПАУо Дьокуускайдааҕы ГРЭҺ-ын пресс-сулууспата