Уопсастыба

Дьокуускайдааҕы 3 №-дээх балыыһаҕа КТ түһэргэ уочарат суох

Дьокуускайдааҕы 3 №-дээх балыыһаҕа компьютернай томография (КТ) кэбиниэттэрин үлэлэрин кыраапыгын туһунан кылаабынай быраас Светлана Давыдова ЯкутияDaily  иһитиннэрбит.

Кини иһитиннэрбитинэн, КТ түһэргэ эрдэ суруталлар оттон суһаллык түһүүгэ суукканы эргиччи үлэлииллэр. Тэрилтэҕэ уочарат суох, томография түмүгэ тута бэриллэр.

Коронавирус дьаҥар хаптарбыт сибикилээх дьон кэллилэр да ПЦР сонно, оттон хантаактаахтартан Роспотребнадзор дьаһалынан 8-10 күҥҥэ ылылларын эппит. ИФА түмүгэ иккис, ПЦР үһүс күнтэн биллэрин бэлиэтээбит.

—Куорат балыыһатыгар дьаҥы-дьаһаҕы, вируһу утары охсуһарга түөрт ыйга тиийэр эмп хасааһа баар. Биһиги пульсоксиметрдарынан (прибор) уонна кислороднай концентратордарынан сөптөөҕүн хааччыллан олоробут.  Эбии атыылаһар былааннаахпыт, — диэбит кылаабынай быраас.

Дьокуускай куорат балыыһатыгар маны сэргэ, балаҕан ыйын 21 күнүттэн быстах кэмҥэ 60 куойкалаах инфекционнай стационар үлэлиир.

0
0
Telegram Whatsapp

Добавить комментарий