Дьокуускай куоракка Эдьигээн күннэрэ (ВИДЕО)

Ааптар: 
Бөлөххө киир:

Балаҕан ыйын 1 күнүгэр Дьокуускайга Эдьигээн улууһун 385 сылыгар аналлаах тэрээһиннэр саҕаланнылар. Ол туһунан пресс-конференция буолан ааста. Кэпсэтиини Эдьигээн улууһун аҕа баһылыга Алексей Мандаров уонна «Сахамедиа» холдинг дириэктэрин маҥнайгы солбуйааччы Афанасий Ноев иилээн-саҕалаан ыыттылар.

Атырдьах ыйын 31 күнүгэр эдьигээннэр Олимпиада көҥүл тустууга кыайыылааҕа, Эдьигээнтэн төрүттээх Роман Дмитриев өйдөбүнньүгэр сибэкки уурдулар. Балаҕан ыйын 1-2 күннэригэр көҥүл тустууга оҕолорго күрэхтэһии тэрийдилэр. Маны таһынан, Эдьигээн ааттаах дьоно устудьуоннары кытта көрсүһүүтэ, кинигэ сүрэхтэниитэ, оройуон туһунан киинэ сүрэхтэниитэ, Саха Өрөспүүбүлүкэтин Бырабыыталыстыбатын кытта көрсүһүү, «Култуурабытын харыстаатахпытына — норуоппутун харыстыахпыт» билим кэмпириэнсийэтэ, А.Я. Уваровскай мемориальнай бэлиэтин арыллыыта уонна да элбэх тэрээһин буолара күүтүллэр.

Алексей Мандаров, Эдьигээн улууһун баһылыга:

Дьокуускай куоракка Эдьигээн улууһун күннэрэ маҥнайгытын ыытыллаллар. Эдьигээн төрүттэммитэ 385 сылын кытта дьүөрэлээн оҥордубут. Икки сыл устата бэлэмнэннибит. Элбэх тэрээһин буолуоҕа. Холобура, атырдьах ыйын 31 күнүгэр Саха чулуу уола, сахаттан Олимпиада бастакы кыайыылааҕа Роман Дмитриев пааматынньыгар сибэкки уурбуппут уонна оҕолорго көҥүл тустууга күрэхтэһии тэрийдибит. Туох баар көмөлөспүт дьоҥҥо махталбын тиэрдэбин.

Дьокуускай куоракка Эдьигээн күннэрин бырагыраамата

https://ysia.ru/obshhestvo/onlajn-translyatsiya-press-konferentsiya-glavy-zhiganskogo-natsionalnogo-evenkijskogo-rajona/

Попов Николай, «Саха сирэ» хаһыат, edersaas.ru 

+1
0
+1
0
+1
0
+1
0
+1
0
+1
0
+1
0