Дьокуускай уулуссаларынан Арассыыйа былааҕын күөрэччи көтөхпүт массыына холуонната айаннаата

Ааптар: 
Бөлөххө киир:

Норуот уопсастыбаннай фронун эрэгийиэннэҕи ыстаабын көҕүлээһининэн бүгүн үс өҥнөөх былаахтаах сүүрбэ массыына киин куорат уулуссаларынан айаннааһына тэрилиннэ.

edersaas.ru

Арассыыйа судаарыстыбаннай былааҕын күөрэччи көтөхпүт сүүрбэ массыына холуонната Кыайыы болуоссатыттан саҕалаан, Хомсомуол болуоссатыгар диэри айанаан кэллэ. Норуот уопсастыбаннай фронун эрэгийиэннэҕи ыстаабын бэрэссэдээтэлэ Валерий Лютай этэринэн, бу аахсыйа Ийэ дойдуга таптал, кини историятыгар, олохсуйбут үгэстэригэр ытыктабыл бэлиэтигэр тэрилиннэ.

Аахсыйаҕа дьоннор баҕа өттүлэринэн кытыннылар. Кинилэр кэккэлэригэр Норуот фронун актыбыыстарын сэргэ Афганистан сэриитин кыттыылаахтара, өрөспүүбүлүкэ автоледилара, урбаанньыттар уонна патриоттар бааллар. Ийэ дойдуга бэриниилээх буолуу бэйэ чугас дьонугар тапталтан саҕалаан, Арассыыйа былааҕын ытыктааһыҥҥа тиийэн түмүллэр. Биһиги бары Арассыыйа гражданнарабыт уонна онон киэн туттабыт, – диэтэ Валерий Лютай.

Норуот уопсастыбаннай фронун ыччаттара бу аахсыйаны таһынан, бүгүн сарсыардаттан үөрэх тэрилтэлэрин дьиэлэригэр судаарыстыбаннай былаахтары ыйаабыттара.

Биһиги үүнэн иһэр эдэр көлүөнэҕэ, оҕолорго, Ийэ дойдуга тапталы иҥэриэхтээхпит, кинилэри кыра саастарыттан судаарыстыба символларын билэргэ үөрэтиэхтээхпит. Оҕолор дойду историятын билиэхтээхтэр, киэн туттуохтаахтар, – диир Норуот уопсастыбаннай фронун ыччатын лидерэ Дмитрий Паньков диэн ЯСИА иһитиннэрэр.

Раиса Сибирякова, «Саха сирэ» edersaas.ru

Хаартыскаларга ЯСИА түһэриитэ.

+1
0
+1
0
+1
0
+1
0
+1
0
+1
0
+1
0