Дьокуускай урбаанньыта Афанасий Алексеев Сунтаарга сидьиҥник өлөрүллүбүт кыыс дьонугар көмөлөһүөх буолла

Дьокуускайга биллэр урбаанньыт Афанасий Алексеев Сунтаарга сидьиҥник өлөрүллүбүт кыыс дьоно сууттаһар ороскуоттарын уйунарга көмөлөһүөх буолбутун туһунан иһитиннэрдэ:

«Өлбүт кыыс төрөппүттэрэ  сууттаһар ороскуоттарын уйунарга бэлэммин. Өлөрүүгэ уорбаланааччылар сокуон иннигэр оҥорбут буруйдарыгар эппиэттиэхтээхтэр» — диэн этэр. Санатан этэр буоллахха, кулун тутар 17-18 түүнүгэр, Сунтаарга 19 эрэ саастаах эдэркээн кыыһы сидьиҥник өлөрбүттэрэ. Саха сирин Ньурбатааҕы силиэстийэлиир кэмитиэтэ уорбаланааччыга холуобунай дьыала тэрийбитэ. Бу дьыалаҕа туоһу быһыытынан биллэр спортсмен сылдьар. Социальнай ситимҥэ өлөрүллүбүт кыыс ийэтин суруга киэҥник тарҕанан бар дьону аймаата.

Ульяна Захарова