Дьокуускайга санитарнай сууйуу-сотуу үлэтэ буола турар. Ол курдук, бэс ыйын 5-6 күннэригэр уопсастыбаннай сирдэргэ, атыы эбийиэктэригэр, тырааныспардарга, уулуссаларга ыытыллыбыта. Бүгүн Култуура уонна сынньалаҥ пааркатын, уоптабай баазалары дезинфекциялаатылар диэн Суһал штаб иһитиннэрэр.
Дьокуускай уоптабай баазаларыгар дезинфекция ыытылынна, ол иһигэр Чернышевскай уулуссатыгар турар уоптабайдарга эмиэ. Урбаанньыт Ольга Николаева этэринэн, маҕаһыыннары уонна ыскылааттары нэдиэлэҕэ биирдэ дезинфекция сулууспата сууйар эбит. Маны сэргэ күннэтэ хлору туттан сууйуу-сотуу үлэтэ эмиэ барар.
Үлэһиттэр бары маасканан, бэрчээккэнэн, антисептигынан хааччыллыбыттар. Атыылаһааччылартан эмиэ маны барытын тутуһалларын ирдииллэр.
Уоптабай атыынан дьарыктанар урбаанньыттар үрдүк бэлэмнээх буолуу эрэсиимигэр табаары дьиэҕэ тиэрдэн биэрии өҥөтүн оҥороллор.
edersaas.ru
+1
+1
+1
+1
+1
+1
+1