Дьокуускай куорат учууталларыгар «Сыл учуутала-2019» күөн күрэс олунньу 26 күнүттэн саҕаланар.
Куораттааҕы классическай гимназияҕа Дьокуускай куорат дьаһалтатын үөрэххэ управлениета учууталлар сатабылларын, дьоҕурдарын үрдэтэргэ туһулаабыт «Сыл учуутала» куонкуруһа олунньу 26-28 күннэригэр ыытыллар.
Санатан эттэххэ, бу күөн күрэс тэриллибитэ 20 сылтан орто. Бу далааһыннаах күрэскэ кыттааччыларга улахан үөрүйэҕи биэрэринэн, атыттары кытта үлэҕэ сатабылы атастаһыннарарга бэртээхэй туһалаах былаһаакка буоларынан ордук үчүгэйэ, суолталааҕа бэлиэтэнэр. Манна даҕатан эттэххэ, урукку сылларга ыытыллыбыт куонкурустар кыайыылаахтара билигин үөрэх тэрилтэлэрин сатабыллаахтык салайаллара бэлиэтэнэр.
Куонкуруска педагогтар уруоктары, маастар-кылаастары ыытан көрдөрөллөр, үөрэтэр бырайыактарын көмүскүүллэр, ону сэргэ, Дьокуускай куорат дьаһалтатын, үөрэх үлэһиттэрин идэлээх сойуустарын кэмитиэтин бэрэстэбиитэллэрин, дьокутааттары кытары аныгы үөрэхтээһин туһунан боппуруоһу дьүүллэһэллэр.
Быйылгы күөн күрэскэ 13 педагог кыттар.
Мария Местникова — «Айыы Кыhата» НГ, алын сүһүөх кылаас учуутала.
Виктор Потапов — «Дьокуускай куораттааҕы лиссиэй», английскай тыл учуутала.
Лена Федорова — «Марха 1 №-дээх орто оскуолата», алын сүһүөх кылаас учуутала.
Василий Артемьев — 23-с №-дээх орто оскуола, физика уонна информатика учуутала.
Кристина Федорова — 19-с №-дээх оскуола, алын сүһүөх кылаас учуутала.
Александр Сирдитов — 29-с №-дээх оскуола, физика уонна информатика учуутала.
Людмила Ларионова — 26-с №-дээх оскуола, кытай тылын учуутала.
Татьяна Афанасьева — «Хатас орто оскуолата», нуучча тылын, литературатын учуутала.
Дмитрий Кононов — 24-с №-дээх оскуола, информатика учуутала.
Алексей Ягловскай — «Саха политехническай лиссиэй», история учуутала.
Артем Бизин — 15-с №-дээх оскуола, физкультура уонна ОБЖ учуутала.
Екатерина Григорьева — Дьокуускай куораттааҕы национальнай гимназия, история уонна общество учуутала.
Нюргун Данилов — 2-с №-дээх национальнай политехническай оскуола, физкультура учуутала.
«Сыл учуутала-2019» куонкурус бырагыраамата
Олунньу 26 күнэ
08.30-09.00 ч регистрация
1. 09.00 – 09.25 ч Куонкуруһу үөрүүлээхтик арыйыы. Аактабай саала.
2. 09.30 ч – 11.10 ч Методическай сэминээр. Каб. № 202, 203,205, 206, 222,
Сынньалаҥ 11.10-12.00 ч.
3. 12.00 – 14.55 ч Учуутал дьоҕура, сатабыла. Каб. № 203, 205, 206, 318, 319, спортсаала.
4. 15.30 – 16.00 ч Аактабай саалаҕа куонкурус 1 күнүн түмүгэ.
Олунньу 27 күнэ
1. 09.00 – 11.25 ч Кылаас чаастара. каб. № 205, каб. № 206
Сынньалаҥ. 11.30-12.30 ч.
2. 12.30 – 14.55 ч Аактабай саала, маастар-кылаастар.
Сынньалаҥ. 14.55 – 15.30 ч.
3. 15.30 – 17.55 ч Маастар-кылаастар.
4. 18.30 – 19.00 ч Аактабай саала. Күөн күрэс 2-с күнүн түмүгэ.
Олунньу 28 күнэ
1. 09.00 – 10.30ч «Психолого-педагогическай кейс» быһаарыыта. Аактабай саала.
2. 11.00 – 12.00 ч Үөрэх управлениетын начаалынньыгын кытары киэҥ кэпсэтии. Аактабай саала.
3. 13.00 – 14.00 ч «Сыл учуутала-2019» күөн күрэс сабыллыыта. Аактабай саала.
Якутск.рф