Уопсастыба

Дьокуускай тиэргэннэрин тупсараллар

Быйыл Дьокуускайга 15 тиэргэни тупсарыахтара, 15 успуорт былаһааккатын оҥоруохтара. Ону сэргэ, 15 тиэргэҥҥэ бырайыактыыр-сметнай докумуон оҥоһуллуо уонна, табылыннаҕына, үлэ саҕаланыаҕа.
«Дьокуускай куорат сиригэр-уотугар 2020-2024 сылларга аныгы куорат эйгэтин оҥоруу, 2021 сылга үлэ былаанын туһунан» муниципальнай бырагыраама толоруллуутун Дьокуускай куорат Думатын тутууга уонна архитектураҕа бастайааннай хамыыһыйатын мунньаҕар дьүүллэстилэр. Бу туһунан СИА иһитиннэрэр.
Дьокуускай куорат дьаһалтатын тутууга уонна тырааныспар инфраструктуратыгар  департаменын иһитиннэриитинэн, от ыйын 23 күнүнээҕи туругунан 6 тиэргэҥҥэ тупсарыы үлэтэ ыытыллан, 80 % ситэн-хотон турар. Бу: 202 мкр, 9 куорпус; Курашов уул. 30/4, Орджоникидзе уул. 35, Лермонтов уул. 23/2, П.Алексеев уул. 7/2, Бестужев-Марлинскай уул. 10.
Аҕыс аадырыска үлэлэр саҕаламмыттар. Автодорожнай 40/7, Лермонтов уул. 25/2, Воинскай 1, Аммосов уул. 4, Советскай армия 50 сыла 23/2, Птицефабрика 10, Чернышевскай 4/1, Лермонтов уул. 56, 58. Хантараак уопсайа 45 мөл. 398 тыһ.солк. түһэрсиллибит. 14 мөл солк. суумаҕа Поярков уул. 17/2, 19, 19/1, 21/1 үлэ ыытыллыахтаах.
Маны таһынан, эбии өрөспүүбүлүкэ бүддьүөтүттэн 15 тиэргэни өрөмүөннүүргэ харчы көрүллүбүт, быйыл бырайыактыыр-сметнай докумуона оҥоһуллуохтаах, 2022 сылтан үлэ саҕаланыахтаах.
0
0