Дьокуускай телебашнята ойуур баһаарын бохсууга көмөлөспүт эрэгийиэннэр былаахтарын өҥүнэн сандаарыаҕа

Ааптар: 
Бөлөххө киир:

Бэҕэһээ, атырдьах ыйын 26 күнүгэр, Дьокуускай телебашнята 21.00 чаастан Алтай өрөспүүбүлүкэтин былааҕын өҥүнэн — маҥан уонна халлаан күөх өҥнөрүнэн, онтон Саха сирин былааҕын өҥүнэн сандаарбыта.

Аахсыйа ойуур баһаарын бохсууга үлэлиир дьоҥҥо махтанан, атырдьах ыйын 18 күнүттэн балаҕан ыйын 6 күнүгэр диэри ыытыллар. Саха сиригэр баһаарга Арассыыйа 16 эрэгийиэниттэн баһаарынайдар, байыаннайдар уонна доброволецтар кэлэн үлэлээтилэр.

Бу иннинэ башня РФ Оборуонатын, ЫБМ министиэристибэлэрин, Рослесхоз, Авиалесоохрана байыастарын, Забайкальскай кыраай, Бурятия, Амурскай уобалас исписэлиистэрин  чиэһигэр эмиэ араас өҥүнэн сандаарбыта.

Бүгүн телебашня Новосибирскай уобалас былааҕын өҥүнэн тыгыаҕа.

Атырдьах ыйын 28 күнүгэр — Томскай уобалас;

Атырдьах ыйын 29 күнүгэр — Тюменьскай уобалас;

Атырдьах ыйын 30 күнүгэр — Ханты-Мансийскай автономнай уокурук;

Атырдьах ыйын 31 күнүгэр — Тыва Өрөспүүбүлүкэтэ;

Балаҕан ыйын 1 күнүгэр — Архангельскай уобалас;

Балаҕан ыйын 2 күнүгэр — Карелия Өрөспүүбүлүкэтэ;

Балаҕан ыйын 3 күнүгэр — Мурманскай уобалас;

Балаҕан ыйын 4 күнүгэр — Приморскай кыраай;

Балаҕан ыйын 5 күнүгэр — Хабаровскай кыраай;

Балаҕан ыйын 6 күнүһэр — Свердловскай уобалас.

Ил Дархан уонна Бырабыыталыстыба дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0