Дьокуускай үөрэнээччилэрэ бэнидиэнньиктэн олоҕурбут көрүҥүнэн үөрэнэллэр
Дьокуускай куораттааҕы дьаҥы утары санитарнай хамыыһыйа быһаарыытынан, олунньу 14 күнүттэн 1-11-с кылаас үөрэнээччилэрэ, бары ирдэнэр санитарнай нуорманы тутуһан, олоҕурбут көрүҥүнэн үөрэниэхтэрэ диэн куорат уокуруктааҕы дьаһалтатын пресс-сулууспата иһитиннэрэр.
Дьокуускай куорат үөрэҕин управлениетын начаалынньыга Алексей Семенов: “Оҕолор олоҕурбут көрүҥүнэн үөрэнэллэригэр оскуолаҕа киирэллэригэр температураларын бэрэбиэркэлиэхтэрэ, маасканы кэтии эрэсиимэ тутуһуллуоҕа, уруокка уонна уруок быыһыгар бэйэ-бэйэлэриттэн тэйиччи сылдьыахтара. Оҕо 20 бырыһыана ыалдьар түгэнигэр ол кылааска үөрэх тохтуоҕа”, — диэн быһаарар.
Ону тэҥэ, олунньу 14 күнүттэн Дьокуускай куорат 1-11-с кылааһын үөрэнээччилэрин тырааныспарга каарталара холбонуоҕа.
Куруһуоктарга, сиэксийэлэргэ, эбии дьарыктарга, оскуола иһинээҕи уонна таһынааҕы тэрээһиннэргэ хааччахтааһын миэрэлэрэ оннунан хаалаллар.
Хаартыска:gazeta.ru