Дьокуускай куорат олохтооҕо, үс оҕо ийэтэ Вера Лиханова сир аһын, фруктаны хатаран кэмпиэт оҥорор. Минньигэс кэмпиэти дьон номнуо биһирээбит.
Тоҥ клубниканы ириэрэн баран, Вера Петровна блендеринэн биир тэҥ буолуор диэри илдьи ныһыйтарар. Ол кэнниттэн анал дуоскаҕа эбэтэр оһох илииһин арыынан чап-чараастык сото охсоот, үрдүгэр кутан кэбиһэр. Дьэ, итиэннэ хатара-куурда уурар.
Вера Петровна бородууксуйатын «саамай минньигэс бэйэ кэмпиэтэ» диэн ааттыыр. Ол оруннаах, ханнык да эбилиги, туманы булкуйбат, оннооҕор саахарынан минньиппэт. Харааччы буспут моонньоҕон, кытарчы сиппит хаптаҕас эбэтэр дьаабылака, дыня, арбуз хайата да барсар. Хатар болдьоҕо ханыыласпат. Сир аһын 12 чаас куурдар, дыня, арбуз кэмпиэтэ биир суукканан бэлэм буолар.
Үс оҕо күн күбэй ийэтэ ханнык да эргинэр санааттан буолбакка, дьиэлээхтэрин иҥэмтиэлээх аһынан күндүлээли холоммут. Ютуб ханаалынан сирдэппит, эбии аахпыт, өссө технолог идэлээҕэ туһалаабыт.
nvk-online.ru сайтан.
#саха_нких_сонуннара