Дьокуускай куораттааҕы үһүс нүөмэрдээх балыыһа эмп уонна мэдиссиинэ оҥоһуктарын тиэртэ
Саха сирин олохтоохторугар туһаайан этиитигэр Ил Дархан Айсен Николаев ойуур баһаарын умуллара сылдьар дьону өйөөн, баҕа өттүнэн көмөлөһөр үтүө санаалаах өрөспүүбүлүкэ олохтоохторугар истиҥ махталын тиэрдибитэ.
Дьокуускай куораттааҕы 3-с нүөмэрдээх балыыһа салалтата ойуур баһаарын умуллара сылдьар дьоҥҥо көмө, өйөбүл оҥорор добровольческай ыстаапка тиийэн, эмп уонна мэдиссиинэ оҥоһуктарын тиэртэ.
«Тыҥааһыннаах кэмҥэ биир сомоҕо буолан, бэйэ-бэйэбитигэр көмөлөстөхпүтүнэ эрэ айылҕа иэдээнин кыайыахпыт. Аһымал аахсыйаларга кыттыһан эмчиттэр эмиэ бэйэбит кылааппытын киллэрэбит«, — диэн туһааннаах балыыһа кылаабынай бырааһа Светлана Давыдова санаатын тиэртэ.
Елена ПОТОЦКАЯ, «Саха сирэ» хаһыат.
Хаартыска: Добровольческай ыстаап инстаграмыттан.
+1
+1
+1
+1
+1
+1
+1