Доруобуйа Маны аах

Дьокуускай куораттааҕы 3-с нүөмэрдээх балыыһаҕа быһыыны ылбыт дьон ИФА анаалыһын босхо туттарыахтара

Дьокуускай куораттааҕы 3-с нүөмэрдээх балыыһаҕа коронавируһу утары быһыы икки компоненын ылбыт дьон, ИФА анаалыһын босхо туттарыахтара. Бу туһунан туһааннаах балыыһа пресс-сулууспата иһитиннэрдэ.
«Биһиги килийиэннэрбитигэр туох баар процедураны барытын оҥорорго быһаарыныы ылынныбыт. Ол эбэтэр коронавируһу утары быһыыны ылбыт дьон ИФА анаалыһын туттаран, антителаларын быһаартарыахтарын сөп. Бу босхо  аахсыйаны от ыйын 1 күнүттэн саҕалыахпыт.  ИФА  анаалыһа иккис компонены ылыы кэнниттэн оҥоһуллар», — диэн кылаабынай быраас Светлана Давыдова иһитиннэрдэ.
От ыйын 1 күнүттэн Дьокуускай куораттааҕы 3-с нүөмэрдээх балыыһаҕа ИФА анаалыһын ылыыга туһунан кэбиниэт үлэлиэҕэ. Анаалыс түмүгүн  СМС-иһитиннэриинэн ыытыахтара. Онон икки укуолу ылбыт дьон бу аахсыйаҕа кыттыахтарын сөп.
Маны таһынан икки укуолу ыам ыйын 18 күнүттэн бэс ыйын 23 күнүгэр диэри ылбыт дьоҥҥо бириистэри оонньотуохтара. Бэс ыйын 25 күнүгэр түмүгү таһаарыахтара.
edersaas.ru
0
0