Дьокуускай куорат бары оскуолаларыгар сарсыҥҥыттан, ол эбэтэр олунньу 3 күнүттэн үөрэх тохтотулларын туһунан куорат Санитарнай-противоэпидемиологическай хамыыһыйата быһаарыы ылыммыт.
edersaas.ru
ОРВИ уонна кириип ыарыылар өрө турбаттарын туһугар, ити курдук дьаһал ылбыттар. Үөрэх куорат бары оскуолаларын 1-12 кылааска диэри үөрэнээччилэригэр тохтотуллар. Ону таһынан, ити ыйыллар кэмҥэ куруһуоктар, эбии дьарыктар, оскуола бары тэрээһиннэрэ буолбаттар.
Даҕатан эттэххэ, нэдиэлэ үс күннээх туругунан, Дьокуускай куоракка ыалдьыбыт дьон ахсаана эбиллэ турар эбит. Ол курдук, эпидемическэй нуорманы 14,7 бырыһыан куоһарбыт. Итиэннэ ааспыт нэдиэлэҕэ холоотоххо, 31,1 бырыһыанынан элбэх киһи ыалдьыбыт.
Хамыыһыйа кэлэр мунньаҕа олунньу 13 күнүгэр буолуоҕа. Харантыын уһатыллара дуу, уһатыллыбата дуу онно биллиэҕэ диэн этэллэр.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1