Култуура Сүрүн

Дьокуускай куорат олохтоохторо кыһыны атаардылар

Дьокуускай куорат олохтоохторо уонна ыалдьыттара “Дьокуускай, сааһы көрүс!” диэн быраһыынньыкка муһуннулар. Норуот бырааһынньыга Комсомольскай болуоссакка уонна куорат пааркатыгар тэрилиннэ. Дьокуускай куорат дьаһалтатын уокуруга көрөөччүлэргэ кэнсиэри, сынньалаҥы уонна успуорт бырагырааматын бэлэмнээтэ.

edersaas.ru

Мустубут дьону бырааһынньыгынан сүрүн сыанаттан Дьокуускай куорат баһылыга Евгений Григорьев уонна куорат мунньаҕын бэрэссэдээтэлэ Альберт Семенов эҕэрдэлээтилэр.

Евгений Григорьев маассабай тэрээһин суолтатын бэлиэтээтэ. “Норуот күүлэйин бүгүҥҥү курдук бары түмсэн ыытыахтаахпыт, эйэ дэмнээхтик сааһы уруйдуу көрсөбүт. Бу өрөбүллэргэ куоракка “Арассыыйа хайыһара” уонна «Muus uStar» курдук атын улахан тэрээһиннэр эмиэ ыытылыннылар, олохпут иннин диэки баран иһэрин көрдөрдүлэр”, — диэн баһылык эттэ.

Дьокуускай куорат Дууматын уонна тус бэйэтин аатыттан бырааһынньыгынан Альберт Семенов эҕэрдэтин тиэртэ.

Хааччахтааһын кэккэ миэрэлэрэ уһуллан, бүгүҥҥү курдук үтүө күҥҥэ бары илэ көрсөр, сэһэргэһэр, үөрэр-көтөр, бырааһынньыктыыр кыахтанныбыт. Барыгытыгар кытаанах доруобуйаны, үчүгэй настарыанньаны, үөрүүнү”, — диэн эттэ бэрэссэдээтэл.

Үгэс быһыытынан кыһыны атаарыы күнүттэн куорат паарката үлэтин саҕалаата.

Дьокуускай куорат дьаһалтата Комсомольскай болуоссакка хас да былаһаакканы тэрийдэ, олохтоохтор, ыалдьыттар айар кэлэктииптэр кэнсиэрдэрин көрдүлэр, тэҥҥэ үҥкүүлэстилэр, ким күүстээҕин, быһыйын, бэргэнин быһаарыстылар. Мустубут дьон успуорт араас куонкурустарыгар кытыннылар. Кыайыылаахтарга сыаналаах бириистэри уонна бэлэхтэри туттардылар.

 

Дьокуускай куорат дьаһалтатын пресс-сулууспата.

Хаартыска: Семен ВИНОКУРОВ.

 

0
0
Telegram @edersaas20