Дьокуускай куорат Дууматын бэрэссэдээтэлинэн талыллыбыт Альберт Семеновы сэргэ бүгүн, саҥа ыҥырыылаах киин куорат парламенын бастакы сессиятыгар, кини солбуйааччыларын таллылар. Куорат Дууматын бэрэссэдээтэлин бастакы солбуйааччынан бу иннинэ Дьокуускай мээрин социальнай боппуруостарга солбуйбут Евдокия Евсикова талылынна. Кини Альберт Семенов курдук бастайааннай төрүккэ үлэлиэҕэ. Евсикова Куорат Дууматыгар “Биир ньыгыл Арассыыйа” баартыйа куораттааҕы уопсай испииһэгинэн талыллыбыта.
Вице-спикеринэн бастайааннайа суох төрүккэ “Водоканал” АУо генеральнай дириэктэрэ, “Гражданскай платформа” баартыйа регионнааҕы салаатын лидерэ Анатолий Кырджагасов талылынна.
Онон Александр Саввиновы Альберт Семенов (“Биир ньыгыл Арассыыйа), Марина Силкинаны – Евдокия Евсикова (“Биир ньыгыл Арассыыйа), Семен Филипповы – Анатолий Кырджагасов (ГП) солбуйдулар.
edersaas.ru