Дьокуускай куорат Дууматын бэрэссэдээтэлинэн баһыйар үгүс куолаһы ылбыт Альберт Никандрович Семенов талылынна. Кини туһугар 19 дьокутаат куоластаата, 6 киһи утарда.
Ыспыраапка:
Семенов Альберт Никандрович Дьокуускайга 1970 с. күн сирин көрбүтэ.
Сайсары 14 №-дээх уонна 20 №-дээх оскуолаларыгар үөрэммитэ.
1989-91 сылларга Сэбиэскэй Аармыйа кэккэтигэр Сибиир уокуругар сибээс сэриилэригэр сулууспалаабыта.
Москватааҕы Хайа институтугар, СГУ-га “Геология бакалавра”, “Хайа инженерэ” идэлэргэ үөрэммитэ.
2008 с. РФ бэрэсидьиэнин иһинэн Судаарыстыбаннай сулууспа Арассыыйатааҕы академиятын туйгуннук бүтэрбитэ. “Судаарыстыбаннай уонна муниципальнай салайыы» идэҕэ менеджер квалификациялаах. “Регион сайдыытын салайыы” идэни баһылаабыта.
Экономическай наука хандьыдаата. 2013 сыллаахха “Хоту региоҥҥа инвестиционнай бырайыактары торумнааһыны уонна олоххо киллэриини салайыы” тиэмэҕэ хандьыдаат диссертациятын көмүскээбитэ.
1998 сылтан 2001 с. диэри – “Ал-Ус” ХЭТ дириэктэрэ (СӨ суол-тутуу массыыналарын Челябинскайдааҕы собуотун дилерэ).
2002 сылтан 2006 сс. – “Куораттааҕы култуура уонна сынньалаҥ киин паарката” МТ дириэктэрэ.
Икки төгүл Куорат Мунньаҕын (Уокуруктааҕы Сэбиэтин) Сайсарытааҕы быыбардыыр уокуругар дьокутаатынан талыллыбыта.
Чэпчэки атлетикаҕа спорт маастара.
СӨ Бэрэсидьиэнин “2000 үтүө дьыала” бочуоттаах бэлиэтинэн, Судаарыстыбаннай Мунньах (Ил Түмэн) бочуотунай грамотатынан, Дьокуускай к. Дьаһалтатын, Дьокуускай к. Дьокутааттарын куораттааҕы сэбиэтин, Дьокуускай к. уопсастыбаннай түмсүүлэрин грамоталарынан, “Меценаты столетия” Норуоттар икки ардыларынааҕы аһымал фондатын уордьанынан, “Арассыыйа экономикатын лидерэ” уордьанынан наҕараадаламмыта.
“Биир ньыгыл Арассыыйа” баартыйа чилиэнэ
Кэргэннээх, оҕолордоох.
edersaas.ru