Дьокуускай куорат физическэй култуураҕа уонна успуорка управлениета сыл түмүктэрин таһаарда. Уокуруктааҕы дьаһалта улахан саалатыгар бастыҥ спортсменнары чиэстээтилэр.
Киин куораппыт бастыҥ спортсменнара кимнээҕий?
«Бастыҥ спортсмен» номинация лауреаттарынан буоллулар:
— АНДРЕЕВ Владислав — «Анри Деглан» норуоттар икки ардыларынааҕы турнир призера, Белоруссия куубагын кыайыылааҕа;
— ТОЛМАЧЕВ Максим — Арассыыйаҕа бастыыр иһин күрэхтэһии призера, Миндиашвили аатынан тустуу Академиятын бирииһигэр күрэхтэһии чөмпүйүөнэ;
— КОПЫРИН Николай — полумарафоҥҥа юниордарга Арассыыйатааҕы күрэхтэһии кыайыылааҕа, Уһук Илин призера;
— МАКАРОВ Айаал — компакт-спортиҥҥа Арассыыйа куубагын кыайыылааҕа;
— МОИСЕЕВА Аина — дзюдоҕа Арассыыйатааҕы күрэхтэһиилэр призердара, юниордарга Европаҕа бастыыр иһин күрэхтэһии кыттыылааҕа;
— БЕЛОЛЮБСКИЙ Айаал — көҥүл тустууга Арассыыйа призера;
— РЯЗАНОВА Арина — шорт-трекка СӨ кыһыҥҥы спартакиадатын икки төгүллээх чөмпүйүөнэ;
— СТРУЧКОВ Николай — дуобакка Арассыыйа чөмпүйүөнэ;
— ЧЕРНОГРАДСКИЙ Павел — мас-рестлиҥҥа Арассыыйа чөмпүйүөнэ;
— ФИЛИППОВ Леонид — «Дыгын оонньууларын» кыайыылааҕа;
Маны сэргэ успуорт адаптивнай көрүҥнэригэр бастыҥнарынан ааттаннылар:
— БАЛЫНЕЦ Владимир — пауэрлифтиҥҥэ аан дойду чөмпүйүөнэ;
— КАТОРГИНА Евдокия — буулдьанан ытыыга Арассыыйа чөмпүйүөнэ;
— ЧЕМПОСОВ Валерий — көҥүл тустууга Арассыыйа чөмпүйэнээтин үрүҥ көмүс призера.
edersaas.ru