Дьокуускай куорат 3 №-дээх балыыһата саҥа салааланна

Ааптар: 
Бөлөххө киир:

Дьокуускай куорат 3 №-дээх балыыһатыгар оҕолорго консультациялыыр-диагностикалыыр салаа (КДО) арылынна.

Бу туһунан СИА балыыһа пресс-сулууспатыгар сигэнэр суруйар. «Оҕо доруобуйатын харыстабылын сайыннарыы» федеральнай бырайыак иитинэн, биһиги оҕо поликлиникатын саҥа киэбин тэрийэбит. Пациеннарга да, быраастарга да табыгастаах, тупсаҕай буолара, диагноһы быһаарыы, эмтээһин хаачыстыбата үрдүүрэ былаананар. Билигин тэрээһин боппуруостар быһаарыллаллар«, — диэтэ кылаабынай быраас Светлана Давыдова.
КДО неврология (ол иһигэр эпилептология), офтальмология, отоларингология, аллергология-иммунология, акушерство-гинекология, гастроэнтерология, оҕолорго кардиология, ревматология, ортопедия, пульмонология, эндокринология, нефрология, урология-андрология, психотерапия, психология, логопедия хайысхаларынан мэдиссиинэ көмөтүн оҥорор. Маны таһынан, функциональнай диагностика (электрокардиография, видео-мониторинг ЭЭГ, Холтер-мониторирование, спирография), бары уорганнарга УЗИ, хараҕы көрөр хостор бааллар.
Билигин Дьокуускайга эрдэҕэс саастаах (улааппыт оҕолор, подростоктар) оҕолор доруобуйаларын тупсарыыга туһулаан, балыыһаҕа анал киини тэрийиигэ үлэ ыытыллар. Бу киин чэбдигирэр үлэни киэҥник тэрийиэ. Улахан болҕомто  аармыйаҕа ыҥырыллыан иннинээҕи уонна призывниктыыр саастаах уолаттарга ууруллуо. ПЦ усулуобуйатыгар патологиялаахтары чэбдигирдэр, чөлүгэр түһэрэр үлэлэр ыытыллаллара былааннанар.
Санатан эттэххэ, РФ Бэрэсидьиэнэ Владимир Путин 2021 сылга туруорбут соругунан, бары оҕо поликлиникалара үлэлэригэр саҥа киэби киллэриэхтээхтэр. Дьокуускай куорат 3 №-дээх балыыһата диагностикалааһыҥҥа уонна эмтээһиҥҥэ саҥа технологияны үлэтигэр киллэрэн, оҥорор өҥөтүн хаачыстыбатын тупсаран, үлэтин сайыннаран иһэр соруктаах.
+1
0
+1
0
+1
0
+1
0
+1
0
+1
0
+1
0