Дьокуускай киинигэр сылаас туалеттары тутуохтара

Ааптар: 
Бөлөххө киир:

Сэтинньигэ Дьокуускай киин уулуссаларыгар уопсастыбаннай сылаас туалеты тутуохтара. Бу туһунан киин куорат уокуруктааҕы дьаһалтатын пресс-сулууспата иһитиннэрэр.

Сылаас туалеттары тутууга «Главстрой» уонна «СахаУниверсал» хантараак түһэристилэр. Хантараак сыаната быһа холоон үс мөлүйүөн солкуобайга тэҥнэһэр.

Биир туалет Саха тыйаатырын оройуонугар — Ленин уулуссатын 8б аадырыһынан, иккис туалет Киров уулуссатыгар баар Наталья Водянова былаһааккатыгар тутуллуохтара.

Сылаас туалеттарга доруобуйаларыгар хааччахтаах дьоҥҥа анаммыт унитазтар эмиэ баар буолуохтара.

Билигин туалет тас моһуона хайдах буолара быһаарылла сылдьар. Биир биллэр — туалекка киирии төлөбүрдээх.

Хаартыска — panoramapro.ru саайтан.

+1
0
+1
0
+1
0
+1
0
+1
0
+1
0
+1
0