Дьокуускайдааҕы киинэ бэстибээлин куоластааһынын бастыҥнара кимнээх буоллулар?
Дьокуускайдааҕы норуоттар икки ардыларынааҕы киинэ бэстибээлэ ситиһиилээхтик түмүктэннэ. «Эдэр саас» саайт быйылгы бэстибээлгэ анаан ыыппыт «Бастыҥ дьахтар оруола» уонна «Бастыҥ эр киһи оруола» куоластааһыннарын түмүгүн таһаарар.
Уончалыы тыһыынча киһи кыттыылаах тыҥааһыннаах киирсии түмүгэр, дьон биһирэбилин ылан, Татьяна Легантьева уонна Дьулусхан Андросов чаҕылхай кыайыыны ситистилэр!
«Бастыҥ дьахтар оруола»
Бу номинацияҕа көрөөччүлэр көхтөрө олус үрдүк буолла – уопсайа 29 921 киһи таптыыр артыыһын өйөөн куоластаата. Киирсии сүрүннээн «Мин аатым таптал» уонна «Мой парень – Айдол» киинэлэр сүрүн дьоруойдарын икки ардыларыгар барда.
1 миэстэ — Татьяна Легантьева («Мин аатым таптал») — 11 555 куолас. Көрөөччү сүрэҕин-быарын уулларбыт уобараһы итэҕэтиилээхтик арыйан, Татьяна дьоһуннаах кыайыыны ситистэ!
2 миэстэ — Айыына Слепцова («Мой парень – Айдол») — 11 194 куолас.
3 миэстэ — Ирина Никифорова («Диодорова. Против течения») — 3448 куолас.
Contest winners
«Бастыҥ эр киһи оруола»
Эр дьон ортотугар киирсии өссө тыҥааһыннаах буолла, бука барыта 37 996 куолас киирдэ! Уратыта диэн, бастыҥ икки миэстэни биир киинэ – «Триумф» икки чаҕылхай артыыһа ылла. Көрөөччүлэр куоластара маннык үллэһилиннэ:
1 миэстэ — Дьулусхан Андросов («Триумф») — 9112 куолас. Дьоруойун ис туругун, эрэйин-муҥун, кыайыыга дьулуурун табатык көрдөрөн, Дьулусхан кыайыылаах таҕыста!
2 миэстэ — Иннокентий Луковцев («Триумф») — 8682 куолас.
3 миэстэ — Эрхаан Попов («Мой парень – Айдол») — 5768 куолас.
Contest winners
«Эдэр саас» ааҕааччыларын аатыттан куоластааһын кыайыылаахтарын – Татьяна Легантьеваны уонна Дьулусхан Андросовы итиитик-истиҥник эҕэрдэлиибит! Ону тэҥэ, бары кыттыбыт артыыстарга уонна кинилэри өйөөбүт көрөөччүлэргэ махталбытын тиэрдэбит. Саха киинэтэ салгыы да сайда, көрөөччүлэрин үөрдэ турдун! Саҥа айымньылары, чаҕылхай оруоллары кэтэһэбит!