Дьокуускай: кэлэр нэдиэлэҕэ кыра уонна улахан кылаастар олоҕурбут көрүҥүнэн үөрэнэллэр
Дьокуускай куорат 5-8 кылааһын үөрэнээччилэрэ кэлэр нэдиэлэҕэ алтынньы 25-29 күннэригэр тэйиччиттэн үөрэниэхтэрэ.
“Бүгүн санитарнай-эпидемиологическай хамыыһыйа мунньаҕа буолан ааста. Хамыыһыйа кэлэр нэдиэлэҕэ 1-4 уонна 9-11 (12) кылаас үөрэнээччилэрин оскуолаҕа (очно) үөрэтэргэ, онтон 5-8 кылаас оҕолорун уонна эбии дьарыктары дистанционнай технологияны туһанан үөрэтэргэ, дьарыктыырга диэн быһаарда”, — диэн Дьокуускай куораттааҕы үөрэх управлениетын начаалынньыга Алексей Семенов иһитиннэрдэ.
Манна даҕатан эттэххэ, СӨ Ил Дарханын ыйааҕар уонна СӨ Министиэристибэтин бири олоҕуран, алтынньы 30 күнүттэн сэтинньи 7 күнүгэр диэри куорат оскуолаларын үөрэнээччилэрин күһүҥҥү сынньалаҥҥа (каникул) ыытар туһунан управление туһааннаах бирикээһэ бэлэмнэнэ сылдьарын эттэ.
Людмила ПОПОВА, “Саха сирэ” хаһыат, edersaas.ru