Дьокуускай иһигэр үлэлии барар уонна суһал кыһалҕалаах дьон массыынанан айанныыра көҥүл

Айсен Николаев социальнай ситим нөҥүө ыйытыыларга хоруйдаата. Онно үлэлиир, суһал кыһалҕалаах уонна даачаҕа айанныыр  дьон массыынанан айанныахтарын сөп диэтэ.

“Самоизоляция” эрэсииминэ хаһан бүтэрий уонна атын куоракка айанныахха сөп дуо?»  диэн ыйытыыга Айсен Николаев маннык эттэ:

—Эрэгийиэннэр икки ардыларыгар билигин сырыы аһаҕас. Ол гынан баран, “самоизоляция” эрэсиимин билигин  тохтотон кэбистэхпитинэ, элбэх  киһи тэҥинэн коронавируһунан ыарыйдаҕына, эмтиир кыах суох буолуо, — диэн бэлиэтээн эттэ.

Ньургуйаана Иванова, “Саха сирэ” хаһыат, edersaas.ru

Хаартыска интэриниэттэн